2000-2017 我最喜愛的700首廣東歌串燒

感謝大家嘅支持同期待...經過八個月嘅努力，400首嘅強化版 - 700首，終於，都，出世啦！ 17年、184組表演者、700首歌。希望呢七小時，能夠將輕鬆同享受帶俾你，不論你係做緊功課、失緊戀，定係無聊緊。 既然叫得強化版，當然唔只加多左300首歌咁簡單啦！今次亦都加左歌詞字幕，又加左每首歌所屬嘅專輯或者單曲封面，等大家一路聽緊又冇野做嗰陣，都可以開返呢個頁片睇下野。 臨尾日夜顛倒、晚晚匿埋喺房，用左一個月加字幕。雖然我知冇乜人會開住嚟睇，但我覺得，歌詞係廣東歌嘅靈魂，為左尊重同感謝填詞人，我都決定加字幕。 搵年份、搵製作人、搵封面、打歌詞仲要逐秒對返啱，真係曾經好攰好悶好想放棄，所以先抱歉地拖左咁耐。但你地喺400首留言俾我嘅鼓勵，俾左我好多好多動力。 小弟有三件事想講對唔住。第一係因為我係個90後嘅男仔，成長階段實在有太多精彩嘅動畫同主題曲，而呢啲歌係我第一批接觸嘅廣東歌，所以我決定加唔少我鍾意嘅動畫主題曲。可能有啲幼稚，但我相信，唔少年輕人都會搵到啲共嗚回憶。 第二係由於呢條片係「我最喜愛」，所以揀歌準則係根據我自己喜好，多過市場流行程度。可能我鍾意嘅歌手會比較多歌，相反有部份歌手嘅出現次數會較少。 第三係，我知道好多人都覺得400首嘅歌與歌之間嘅過渡做得唔好，今次都好努力想改善。本來用左漸變，但無奈軟件弱，一用，轉歌嗰下就有怪聲，所以都放棄左......今次過渡都係做得唔好。 整完條片簡直人都崩潰，衷心多謝大家對第一條片嘅支持，希望大家會喺呢條片入面，搵到更多自己喜歡嘅音樂。 我有信心，呢條片，會係你遇過最精彩、最豐富嘅一段廣東歌串燒。 -------------------------------------------------- 七百首入圍歌曲小統計： 派台歌曲　　　：559 沒有派台的歌曲：141 派台成績： ．四台冠軍歌總數：55 ．三台冠軍歌總數：74 ．兩台冠軍歌總數：80 ．一台冠軍歌總數：117 ．冠軍歌總數　　：326 ．非冠軍歌總數　：374 擁有十首或以上歌曲的歌手： ．陳奕迅 (71) ．周柏豪 (50) ．衛蘭 (40) ．張敬軒 (23) ．HotCha (23) ．容祖兒 (23) ．薛凱琪 (21) ．Twins (21) ．古巨基 (19) ．陳柏宇 (18) ．鄭融 (16) ．農夫 (15) ．楊千嬅 (14) ．側田 (13) ．J. Arie (12) ．方皓玟 (11) ．林峯 (11) ．吳雨霏 (11) ．許廷鏗 (10) ．許志安 (10) 擁有十首或以上作品的作曲家： ．雷頌德 (34) ．伍樂城 (34) ．陳輝陽 (22) ．周柏豪 (20) ．鄧智偉 (20) ．張家誠 (18) ．伍仲衡 (16) ．郭偉亮 (15) ．陳光榮 (12) ．李峻一 (11) ．澤日生 (10) 擁有十首或以上作品的填詞人： ．林夕 (145) ．黃偉文 (94) ．林若寧 (58) ．陳詠謙 (54) ．陳少琪 (16) ．蔡冕麗 (16) ．周耀輝 (14) ．方杰 (14) ．張美賢 (13) ．鄭櫻綸 (11) ．小克 (11) 歌曲年份分佈： 2000：9 2001：23 2002：42 2003：33 2004：28 2005：30 2006：47 2007：49 2008：63 2009：57 2010：40 2011：46 2012：52 2013：53 2014：45 2015：47 2016：32 2017：4 -------------------------------------------------- (此影片僅供網上娛樂用途，並無任何侵犯作品版權以作商業用途之意圖，本人亦非註冊職業YouTuber。)