Áfram Ísland

ÁFRAM ÍSLAND, UNGLINGALANDSLIÐIÐ SENDIR HVATNINGAR TÓNINN STOP WAIT GO ENDURGERÐU BARÁTTUSÖNG ÍSLANDS Upptökuteymið íslenska StopWaitGo hefur gert nýja útgáfu af laginu "Áfram Ísland", baráttu-og hvatningasöng til Íslenska landsliðsins í Knattspyrnu sem fyrst var tekið upp árið 2002. Mánudaginn 11. nóvember fá útvarpsstöðvar landsins nýju útgáfuna en inní hana eru klipptir nokkrir bútar af ógleymanlegum gullkornum íþróttafréttamannanna sem lýstu síðustu leikjum landsliðsins. Þeir félagar í StopWaitGo; Pálmi Ragnar Ásgeirsson, Ásgeir Orri Ásgeirsson og Sæþór Kristjánsson áttu nýlega lag með stúlknasveitinni The Saturdays sem fór inná topp tíu breska smáskífulistans, þannig að þeir hafa haft í nægu að snúast en gáfu sér þó tíma í þetta skemmtilega verkefni. Flytjenda hópurinn eru nokkrar skærustu stjörnur ungu kynslóðarinnar í tónlistinni í dag. Ingólfur "Veðurguð" Þórarinsson, Sverrir Bergmann, Erna Hrönn, Jóhanna Guðrún, Friðrik Dór Jónsson og Unnur Eggertsdóttir eru meðal þeirra sem leggja verkefninu raddirnar sínar. í upptökunum og aðdragandanum hefur hópurinn verið Unglingalandsliðið þó meira í gamni en alvöru. Lagið er endurgert með það að leiðarljósi að rífa upp stemmninguna núna síðustu daganna fyrir stóru leikina sem framundan eru.