A'gilsako memang dongama?|| Memangara sawarang?

A'GILSAKO ME'MANG DONGAMA ? SAMUELNI BIMANG:_ I Sam.28:3_ "Da'o Samuel simanaha aro Israel gimik una kalime Ramao, chongmotan antangni songjinmao, uko gopaha.." Ia pod-o Samuelni sianiko aro uko gopaniko sakki on'aniko an'ching nikna gita man'a. Pod 6_ "Aro Saul Jihovao sing'aha; indiba jumangrangchiba, Urimchiba ba katchinikgiparangchiba Jihova una aganchakjaha." Ia pod-o Saulni pap ka'ani a'sel Isol una mamung uiataniko ba un baksa melina sikgijaniko mesokaha. POD 7,8_"Memang muni pigipa me'chikko angna am'bo...Nibo memang muni pigipa saksa Endor-o gnang...Aro Saul aganaha memang muni pianichi angna katchinike aganpabone..." Samuelni siani jamano ua Isolni mitchinikgipa memang muni pigipa me'chikko sandie man'aha(Deut.18:10-15). POD 13_"Aro ua me'chik Saulna aganaha, anga a'aoni isolonigipani ong'katbaengako nika...aro uan Samuel ine Saul uioa, ua aao mikkangchi bamgope olakiaha." Ia pod-rang Samuel-ni bimango aaoni isol ba mite ong'kabaaha aro uko Samuelni bimang gita nikahachim ine janapani gnang. Indiba Samuelde a'bachengon siaha aro uni simanani jaman iara sawachim ? Jekon an'ching da'alo memang ine aganchakaniko dakgenchim. JISUKO CHANCHIA:_ Luke 24:37-39_ "Indiba ua uamangna namen kenbee memangko nikenga ine chanchiachim....Angni jakrangko aro angni jaarangko nibo, anga an'tangan ong'a; angko rimdape nibo; maina ango dongako nasimangni nika gita memangni be'en aro grengrang dongja." Uni siani jamano sninggiparang ken'ao nok-o dongengon uamangna mikkang paaha jean uamangna memang nikanio chanchiaha. Ia pil'ak pod-rangan memangni donganiko bil'ake sakkiko on'angaha. A'gilsak memang dongja ine da'alo darangba agana man'jawa; indiba chanchina nanggnide ia memangara sawa aro maidakgipa bebera'aoni ong'baaha ? Memang sigimin mandema ba satanni bilsama ? Changsao Job indake sing'aniko dakaha, "Indiba mande sie bilgria; oe mande janggi gala, aro uara bao ?"_Job 14:10. Mandeko dakon Isol a'dimu baksa rang'sitaniko dondimesa jaggiko on'a(A'ba.1:26,27). Uni gimin janggi inon mandean ba be'en bimang baksa rangsita dongenggipako agana. (Agan.9:5; Job 14:12; Git.146:4). Indakode mande sigimin memang ong'e an'chingko kalakna gita man'ja. Uni gimin amika sagi ba amika memang kalaka ingipako agananiara Sastroo gita ong'jawa. Indiba Sastrooniko amangkuode adita pod-rangoniko sakkiko man'gen. Para.12:4,9. "..chongmotan gitchamgipa chipu Diabol aro Satan minggipa, a'gilsak gimikko brangatgipako galataha; a'aona galataha, aro uni sa'grerangkoba un baksa galataha." Bak 3 baksa sa sa'grerang un baksa re'baaha jerangan da'alo dakmajoaniko dakenga. II Kor.11:14-15_ "Aro aiao inani ong'ja; maina Satan an'tanga an'tangko seng'ani sa'gre dake bimang dakjea. Uni gimin uni dangdike on'giparang toromni dangdike on'giparang gita an'tangtangko bimang dakjeode, maiba dal'beani ong'ja; uamangni chon'kamara uamangni kamrang gita ong'gen." Satan bimang dingtang dakjeani aro bebera'ataniko dakna senggipa ong'a aro indake da'aloba sigimin mandeni bimangko ra'e a'gilsako bangakon brangatenga. Uni gimin da'alo memang ine agangipa kattarang pilakan Satan baksa ga'akbagipa sa'grerangsa sianggipa mandeni bimango manderangna mikkang paenga jedakode sigimin mandeko tangataniko doctrine rakkiangkuna man'gen. Aro janggi sigijani doctrineko chengon Satan Eden Barion satbaaha, A'ba.3:4_ "Na'a sichongmotjawa." Indake da'aloba sigimin mandeko memangni bimango don'ate ia doctrine-ko an'ching gisepo Diabol gekuenga. "Banga manderangan an'tangtangni ma'drang maharirangni ba ripengskarangni bimango re'bagipa Satanni gisikrangko chagronggen, jemangan Sastroni dingtanggipa kenbatgnigipa kattarangko parakgen. ORIGIN:_ Skango New York-ni Hydesville-ni Farmhouse-o bilsi 1848 bilsio gamanirangko sigimin mandeni memangni doctrineko bikotchengaha. Aro sigiminrang baksa agangrikani ba golpona amaniko KATE FOX aro uni nogipa MAGGIE FOX-mang bilsi 1860-o a'bachengdilbaaha aro ia kamara England aro France_rango bilake gipataniko man'aha. CONCLUSION: Memang donga aro uan Satanni sa'grerang sigimin mandeni bimango an'tangko parakani indiba sigimin mandeoni memang ong'katja.