Чорвоқда МХХ генералиники экани айтилаëтган ҳовли ва ресторанлар бузилмоқда

Озодликнинг Тошкент ҳукуматига яқин норасмий манбалари Ўзбекистон Миллий xавфсизлик xизмати раиси ўринбосари¸ МХХ шахсий таркиб хавфсизлигини таъминловчи назорат хизмати бошлиғи Ҳаëт Шарифxўжаев ўтган ой ишдан олиниши ортидан унга тегишли экани иддао қилинган Тошкент вилоятидаги кўчмас мулк объектларини бузиш бошланган. Ўзбекистон ҳукуматининг юқори поғоналарига яқин бир-биридан мустақил икки манбанинг Озодликка маълум қилишича¸ шу кунларда 52 ёшли генерал Ҳаëт Шарифxўжаев ва унинг қариндошларига оид мол-мулк талон-тарож қилинмоқда¸ баъзилари эса бузиб ташланмоқда: - Ишдан олинган СНБ зами Ҳаёт Шарифхўжаев ва унинг қамоқдаги укаси Жавдат ҳамда уларга яқин бошқа СНБ ходимларининг Тошкент вилоятидаги Бўстонлиқ тумани Чорвоқ сув омбори яқинидаги ресторан¸ меҳмонхона¸ дача ва бошқа мулклари тортиб олиниб¸ бирин-кетин бузилмоқда. Бу мол-мулклар аслида бошқалар номига расмийлаштирилган. Қонунан мусодара қилишнинг иложи бўлмагани учун "изнсиз қурилган"¸"кадастрда йўқ"¸"хавфсизлик ва экология талабларига жавоб бермайди" деган важлар билан тортиб олиниб¸ бузиб ташланмоқда¸ дейди Озодлик манбаси. Озодликнинг Ўзбекистон ҳуқуқ тизимларига яқин яна бир манбаси иддаосига кўра¸ МХХ тарафидан қўллаб-қувватланган Юрий Савинков, Игорь Савинков, Равшан Жўраев, Мираълам Мирзаевларнинг “Чорвоқдаги кошоналари бузилмоқда”.