得閒食飯～舊區尋寶土瓜灣ChezLouis

香港租金問題唔止影響居住，就連生活都有影響，地舖商場甜貴只有連鎖食肆，想試下其他特色餐廳，一係上樓一係走入舊區尋寶。 友人推介哩間位於土瓜灣舊區入面嘅哩間法式Bistro，真係冇人介紹唔會識得搵上門！不過用餐當晚識門路嘅人都唔少，好在友訂位，先可以準時入席，事關店仔細細最多得10張檯，要等位的話分分鐘成個鐘頭！聽聞大廚係奧地利人，裝修唔係豪華但係絕對有歐陸風格，拍得住Soho餐廳！ 睇下餐牌，菜式選擇都幾豐富，由前菜到甜品都有供應，望埋價錢仲有驚喜，?小食都係幾十蚊一客，据件扒都係二百左右，?意粉都係under一百咋！ BBQ Wings $58 哩個價錢都有5隻翼，抵食啦！味道中規中距啦~ 蒜香炒蝦蜆 $78 非常惹味，啲?仲要係去埋殼夠細心，油蒜汁用嚟蘸麵包食勁正?? 煎肉眼扒 $248 ?點咗Medium啱啱好，肉味夠肉質都好腍，配埋即炸粗?，有水準！ Carbonara $88 Waiter推介，果然好味，雖然唔係最正宗煮法，但係用上烤煙肉口感唔錯，又用咗闊條麵，掛滿醬汁食得特別滋味。最緊要係醬汁唔太鹹又唔太膩，洽到好處。 其實仲有好多菜式都想試，一於下次再嚟過啦！ ChezLouis ☎️ 6288 9621 ? 土瓜灣長寧街29號地舖 ⏰ 12:00~22:00(星期一休息) 旅遊網誌：http://travelermel.blogspot.com/ Instagram：https://www.instagram.com/followme_lody/ #香港美食 #hongkongblogger #hkfoodie #西餐 #美露迪