Download Cariflix from app store or google play

CARIFLIX ta un servisio di streaming di video riba petishon via di internèt konosí komo VOD, Video on Demand. CARIFLIX ta un servisio fundá un aña i mei pasá, segun e modelo Netflix, ku tin un kantidat grandi di pelíkula, seri di televishon, show, dokumental i hopi mas. CARIFLIX ta un plataforma online, ku kontenido lokal, prinsipalmente na papiamentu. Na komienso di 2016 TeleCuracao i UTS a kuminsá traha riba e plataforma aki, ku e meta pa brinda, Kòrsou, nos islanan ántes Antias i tambe próksimamente Karibe e oportunidat, pa hasi uso di e plataforma aki, pa etalá nan produkshonnan. Un proyekto ku a krese i bira un proyekto gigantesko i ku awe ta konta ku kontenido di diferente medio di komunikashon lokal, manera CBA, Nos Pais, Vigilante, TCFM i Tele Curaçao. CARIFLIX ta habrí pa tur medio di komunikashon. CARIFLIX ta duna nos artistanan lokal tambe e oportunidat pa desaroyá nan talento di aktuashon i ta habri posibilidat pa trabou den produkshon. Si ya bo ta disponé di e app di TCFM, bo por upgrade esaki i e ta bira e app di CARIFLIX. Via di CARIFLIX bo por haña bo kanalnan live grátis tambe. Tambe bo ta haña programanan diario di Tele Curaçao, manera notisia, konsierto i muchu mas. Tur luna lo estrená un “CARIFLIX Original”. Fundashon Bon Intenshon ta un di e proménan, pa pone tur nan produktonan, sine, show, dokumental, riba CARIFLIX.