ليه شكلك أكبر من عمرك ؟ / العمر الحقيقى vs العمر الذاتى / الخبرات الأجتماعيه

رابط صفحتنا على الفيس بوك https://www.facebook.com/ELBASHMOHANDZ44/?ref=bookmarks المقال https://www.psychologytoday.com/blog/distress-in-context/201111/social-experiences-make-you-feel-older فى يوم زى اى يوم ..... راجع من شغلك (دراستك) .. تعبان مش قادر كالعاده .... وياااااادوب لسه بتاخد نفسك .. فجأه عنيك بتلمح مرايتـك ايييه ده أنا كبرت اوى كده ليه ..؟! أنا عجزت اِزاى؟! .. وانا لسه يادوب مكملتش ال 30 (سنه) طيب ... مبدأئياً خلينــى أقولك أن SOCIAL EXPERIENCES THAT MAKE YOU FEEL OLDER يعنى بالعربـى كده : الخبرات الأجتماعيه هى الى بتخليك تحس انك أكبر من سنك ؟! ايه ده يعنى انا عندى خبرات أجتماعيه =D متفرحـش اوى كده يامعلم .... الخبرات الأجتماعيه مقصود بيهـا .... الأحداث الكبيره والصدمات الى فى حياه الأنسان زى مثلا : ان حد قريب منك يموت او يحصله حاجه .... وكمان مقصود بيها .... الحياه الغير مستقره بما فيها من حروب وكوارث طبيعيه وأسلوب الحياه نفسه ؟! اييييه ده ... يعنى انا خلاص كده .. هموت ؟! لا ... بعد الشر عليك يامعلم .... زى ما الخبرات الأجتماعيه مقصود بيها كل الحاجات الوحشه الى لسه قايلنها من شويه .. الا انها مقصود بيها كمان .... التجارب والخبرات والأفكار وكم الحكمه والعقل والنضووج الى عندك ..... مبروووووك .. أنت مش تـافهه خلينى أقولك ان الدكتور DAVID RUSSELL بيقول ان عمر الأنسان مكون من CHRONOLOGICAL AGE وده عمر الأنسان الواقعى .. يعنى مثلا لو أنت مواليد سنه 2000 ودلوقتى سنه 2016 يبقى الــ CHRONOLOGICAL AGE = 16 وده شيئ بديهى طبعاً وكلنا متفقين عليه وعارفينه ... خلينى أقولك الجديد بقى يامعلم قول يانجم .. عمر الأنسان زى ما هو مكون من عمر واقعى CHRONOLOGICAL AGE الا انه كمان مكون من عمر شخصى او عمر ذاتى SUBJECTIVE AGE والعمر ده بيتكون نتيجه اِدراك عقل وفكر الأنسان لحالته العمريه ..والخبرات الأجتماعيه الى لسه قايلنها ... وهو ده الى بيخلـى شاب عمره الواقعى 20 سنه مثلاً ..يحس انه راجل عنده 70 سنه مثلاً ؟؟! وساعات بيبقى العكس ..يخلى راجل بالرغم ان عنده 40 سنه بس تيجى تتعامل معاه تحس انه لسه صغير !! ومبروووك كمان مره ... أنت مش تافهه الله يبارك فيك =D بس بصراحه مش عارف أهنيك ولا أبكيك على انك مش تافهه ؟ تقصد ايه ؟؟! أقصد ان الأنسان التافهه هو بس الى بيقدر يستمتع بحياته ويعيش كل لحظه فيها من غير قلق وتفكير كتير ..!! أزاى الكلام ده ؟؟! طيب تعالا معايا كده أحكيـلك قصـه ... فى يوم من الأيام .. زى اى يوم عاادى ... مجموعه من الأطفال الى بتلعب فى الشـارع كلهم فرحانين ومبسوطيين مكنش فى حاجه فى دماغهم غير اللعب والأنبساط ... وفجأءه ..طفل من الأطفالى الى بيلعبوا .. خد باله من صندوق غريب موجود فى وسط الشـارع ؟؟؟؟!! فأبتدى يسئل باقى الأطفال عن ايه الى موجود فى الصندوق ؟ فى الى قالوا منعرفش وسكتوا ... وفى الى قالوا ملناش دعوه خلينا نكمل لعب ... وفى الى أتريقوا عليه عشان سايب اللعب ..وعمال يفكر فى الصندوق ... !! بس للأسف ...الطفل ده كان عنده فضول رهييييب أنه يعرف ايه الى جوا الصندوق ؟؟! فضل يدور ويســئل .. يتعلم ويقرأ ... لغـايه ما وصل لحقيقه الصندوق أخيراً !!!! !!!! !!!! الطفل لقى أن الصندوق جواه عالم مظلم .. وتعبابيين وعقارب وحيوانات مفترسه ... فى اللحظه دى ..حس الطفل برعب وقلق ... ولعن اليوم الى فكر فيه يسئل عن حقيقه الصندوق ؟؟! مبقاش عارف يرجع يلعب تانى مبقاش عارف يرجع يلعب تانى براحه وسلام داخلى زى زمان ...!