"МХХ"нинг Ота оналарни сазойи қилиш сиёсати

Ота оналарни сазойи қилиш сиёсати Каримов режимининг жиноятчи эканлигини кўрсатади холос Биз мана шу кунларда гувоҳ бўлиб турибмизки, Ўзбекистоннинг деярли барча вилоятларида Миллий Хавфсизлик Хизматининг бошчилигида Каримов режими томонидан фарзандлари айбдор деб топилган ёки гумонланган ота оналарни сазойи қилиш сиёсати кетмоқда. Бу ҳолат асл тубанлик бўлиб, биз бу хакида бахоимизни изоҳлашга ҳаракат қиламиз. Биринчидан агар ўша фарзандларни айбдор деб биладиган бўлсак ота оналар балоғатга етган фарзандларининг айблари учун жавобгардир деган қонун ёки қарор борми? Агар бўлса бундай қарор қабул қилишда қандай меъёрларга асосланилди? Биз биламизки, балоғатга етган фарзандларнинг айблари учун ота оналарни жавобгар деб билиш ҳеч қандай меъёрга тўғри келмайди. Агар мана шундай қарор қабул қилинса, биринчи навбатда ўз қизларнинг беъдодликлари учун Каримов жавобгар бўлиши керак эмасми? Унинг иккала қизи томонидан содир этилган, коррупция, катта миқдордаги пул ювиш амалиётлари, манбаси номаълум бўлган маблағлар эвазига кўчмас мулк сотиб олиш, шармсиз, беҳаё қилиқларини айтмаса ҳам бўлади, буларнинг барчасига бутун дунё гувоҳ бўлиб турибди. Нима учун, бундай тубанликка асосланган мажлисларда хатто ўзларининг қонунларига мувофиқ кўпчиликнинг айбдорлиги исботланмаган мусулмонларни, айбдор деб топиб уларнинг ота оналарини таҳқирлаётганлар бу тўғрисида бирор сўз айтишмайди? Агар ўзлари даъво қилаётгандек, чиндан ҳам халқпарвар бўлсалар, аввало юртбошининг қизлари томонидан содир этилаётган жиноятлар учун уларнинг отасини жавобгар деб билишмайдими? Бундан ташқари улар муқаддас деб биладиган конституцияга чорак асрдан буён очиқчасига амал қилмай келаётган бу юртбошининг қилмишлари наҳотки уларнинг кўзларига кўринмаётган бўлса?! http://www.najot.info/ https://www.facebook.com/najot.info/ https://vk.com/id346445835 http://ok.ru/profile/569184336458