مصرية خادمة في الكنيسة تفضح بابا الأقباط

كريستين سلوانس فتاة مصرية مسيحية تفضح تجاهل بابا الكنيسة القبطية تواضروس الثاني لمشاكل المسيحيين خلال زيارته الأخيرة إلى استراليا و اليابان، حيث فشلت في الوصول إليه بسبب الكهنة رغم أنها خادمة في الكنيسة القبطية الأرثوذكسية المصرية في سيدني في استراليا واسمها كريستين سيلوانس وبروفايل الفيسبوك مال موضوعها هنا: https://www.facebook.com/Angry-Coptic-Christians-%D8%A3%D9%82%D8%A8%D8%A7%D8%B7-%D8%BA%D8%A7%D8%B6%D8%A8%D9%88%D9%86-774892879356236/ ولا يطوفك فيديو البابا تواضروس مطنش مصري ذليل: http://www.youtube.com/watch?v=p33aoJsiWeQ&list=PLccWNPyaICSjMsXhoxqX4wMqe70V_3SKc&index=1 الكلام اللي في الفيديو: أنا بوجه رسالة للأنبا رافائيل (أسقف عام كنائس وسط القاهرة) وللأنبا موسى (أسقف الشباب) اللي احنا اتربينا على ايديهم أنا دلوقتي بسأل سؤال: ايه فايدة المجمع المقدّس؟ ايه فايدة إن الأنبا البابا تواضروس (بابا الإسكندرية و بطريرك الكرازة المرقسية) ييجي استراليا و ميسمعش مشاكل الناس؟ ومفيش اجتماع واحد للكهنة و مسموح فيهم يتكلموا؟ أكلم الكاهن يقول لي آه تعرفي مفيش مش عارفة ايه أقول له مين أب اعترافك يقعد يلففني في دوامة خمس دقايق لحد ما يقول لي اسم أب اعترافه ليه الكهنة خايفة؟ ايه الرعب ايه جو الرعب اللي احنا فيه ده؟ ربنا بيبكي على كنيسته انتو ليه مش مصدقين؟ وربنا مش ح يسيبكو آه أنا بتكلم بصوت عالي آه أنا بتكلم بطريقة أوقات مش مسيحية بس زعل ده غضب ليه كل الناس سايبة الكلام اللي أنا بقوله و يطلعوا يمسكو في الطريقة اللي أنا بتكلم بيها فين المسيح في الكنيسة؟ انتو عملتو ايه في الكنيسة؟ خليتوها نادي؟ خليتوها ملعب كورة؟ هو ده الكنيسة؟ أنا عايزة أنبا روفائيل يرد عليا أنا بسمع الأنبا روفائيل و متربية على ايديه انتو بتعملو فينا كده ليه؟ احنا ولادكم ومش ح نسيب كنيستنا والكنائس البروتستانتية بتلف علينا و الكنائس الأجنبية بتلف علينا وكلهم طلبوا مني أخدم معاهم و أشتغل معاهم ليه أنا قاعدة في كنيستي مضطهدة محتقرة في كنيستي؟ ليه كده؟ ليه بتوصلونا للمرحلة دي؟ ليه بتوصلوني إن أنا آجي أتكلم على السوشيال ميديا بالطريقة المستهزأة دي؟ ليه بتعملوا كده في أولادكم؟ ليه مش خايفين علينا؟ قالوا لي اتكلمي باحترام اتكلمت في (الصوت مو واضح) باحترام قالوا لي جيبي كلام من الآباء جبت كلام من الآباء قالوا لي غيري أسلوبك غيرت أسلوبي غيري شكلك غيرت شكلي لوني شعرك لونت شعري انتو عايزين مني ايه؟ ليه مش عايزين تسمعوا كلامي؟ ليه ماسكين البابا تواضروس محوطين عليه مش مخلين أي حد يوصل له؟ هو جاي عشان يشرب قهوة و يتفسح وللا جاي عشان يسمعنا؟ أنا بقى مش ح أسكت على كنيستي لأن أنا بحب كنيستي و أنا مش ح أسكت ع اللي انتو بتعملوه فينا حرام عليكم بجد حرام عليكم أنا عايزة الأنبا موسى و الأنبا رافائيل يردوا عليا بجد أنا عايزة الفيديو ده يوصل لهم لو سمحتم أنا خلاص مش ح أستخدم الكهنة هنا في سيدني (استراليا) بجد مش ح أعمل حاجة هنا في سيدني وأنا مش ح أسكت عشان ربنا مش عايزني أسكت فساعدوني لو سمحتم