NILASONG LAWA? "THE TAAL LAKE FISH KILL INVESTIGATION" Jiggy Manicad and Maki Pulido 1

Sa buong kasaysayan, ito na ang pinakamalaki at pinakamalalang fish kill na naganap sa Lawa ng Taal. Ang Taal Lake ay binansagang isa sa pinakamagandang lawa sa buong mundo. Pero kamakailan, isang hindi magandang tanawin ang bumungad dito. Lumutang sa tubig at nangamatay ang maraming isdang bumubuhay sa mga residente sa lugar. Sa paglutang ng mga isda, siya namang paglubog ng kabuhayan ng maraming mangingisdang umaasa rito. Ang climate change ang unang sinabing dahilan ng malawakang pinsalang dulot ng fish kill. Pero sa likod ng pinsalang ito, maraming mas malalalim na dahilan kaya tila laging nakaambang mangyari ang mga pangyayaring gaya nito. Mula sa mga maliliit na mangingisda, namumuhunan at kapitalista hanggang sa otoridad at pamahalaan, isa-isahin ang mga dahilan kung bakit patuloy na nangyayari ang fish kill. Anu-ano ang mga pagkukulang? Sino ang may tunay na pananagutan? Paano masisigurong hindi na muling mauulit ang mga pinsalang hatid ng fish kill?