Нимиц на средба со Попоски

"Mинистерот за надворешни работи на Република Македонија Никола Попоски, денеска оствари средба со медијаторот Метју Нимиц кој е во дводневна посета на Македонија.Пд Министерството за надворешни работи соопштија дека средбата се одржала во насока на надминување на разликите за спорот со Република Грција.Во разговорите, Попоски го реафирмира интересот на Република Македонија за скорешен прием во НАТО и во ЕУ. Оттаму, се вели во соопштението од МНР, повторена е и посветеноста на Република Македонија во разговорите кон изнаоѓање прифатливо решение со цел придвижување на интегративниот процес.Притоа Попоски уште еднаш се осврнал на значењето на Пресудата на Меѓународниот суд во Хаг во однос на прекршувањето на Времената спогодба.Нимиц по едночасовните разговори со шефот на македонската дипломатија не даде изјава за медиумите.Посетата во Македонија ќе ја продолжи со средба со претседателот на државата Ѓорге Иванов, а попладне и со премиерот Никола Груевски. "