O Entroido Ribeirao reúne en Chantada a nove entroidos rurais.

O Entroido máis auténtico, o que ven das raíces e non se deixou morrer, reviviu esta fin de semana na Ribeira Sacra. A tradición pagá universal que conecta ás persoas entre sí e coa natureza, cos ciclos do ano, coa ledicia de vivir, co rirse acontecer e co enterro momentáneo das penas, dende Brasil a Santiago da Riba, ten que poñerse no lugar que merece. O esforzo das persoas que manteñen e alimentan as esencias da cultura ancestral máis positiva nun rural que desaparece merece ser valorado. A asociación de Amigos do Entroido Ribeirao logrou encher de cor e de xente a aldea ribeirá de Santiago, en Chantada, inaugurando tempada coa unión de nada menos que nove entroidos rurais galegos. Tres deles son tesouros do patrimonio inmaterial da Ribeira Sacra: O Oso de Salcedo, os Felos de Esgos e o propio o Ribeirao de Chantada. Os noso equipo estivo alí, como cada ano, recollendo imaxe e testemuño