Para Kore ki Maniapoto - Reopiki Te Huia

Ko Reopiki Te Huia tōku ingoa. Nōku te waimarie te whai tūranga i roto i te whānau o Para Kore, hei mōkai mo ngā uri o Rereahu Maniapoto. Waea mai - 0221209537 - īmera mai - [email protected] Kei Te Kūiti mātou ko tōku whānau e noho ana. Ko Kamo Te Huia tōku hoa rangatira, tokorima a māua tamariki. Ko tōku whānau tōku poutokomanawa. E kai ngākau ana au te nohotahi ki a Ranginui rāua ko Papatūānuku, te mahi rongoā, te tūhura i ngā ngahere, i ngā awa anō hoki, te whai whakapapa, kōrero tuku iho hoki. Ko Pukeroa te whenua tupu Ko Rangitoto te maunga Ko Mangaokewa te awa Ko Ngāti Manipoto te iwi Ko Ngāti Te Pēhi, Ngāti Te Kanawa, Ngāti Rora, Ngāti Kinohaku ngā hapū Ko Ngarauwharawhara Tuarua me Naumai Tuarua ngā wharekai Ko Te Korapatu me Te Tokanganui-a-noho ngā whare tupuna Ko Te Nehenehenui tōku Turangawaewae Ko Reopiki rātou ko Ronnie ko Taonui ōku mātua. Ko Reopiki Te Huia tōku ingoa Nō reira tēnā tātou katoa.