PRO S'INDIPENDENTZIA B BANDINU

PRO S'INDIPENDENTZIA est unu libru in duas limbas, sardu e italianu, de Bachireddu Bandinu, editziones IL MAESTRALE, tratat de su deritu de su populu sardu a esser mere in domo propria. Est de leghere, ponet problemas e responsabilidades chin sas cales si misurare, provate a bos misurare bois puru. Tratat cuntzetos e argumentos chin sos cale, nois indipendentistas amus propostu tantas bias, ma iscritos dae sa pinna de un'istudiadu de gabale che a Bandinu, isparghent alas prus fortes, faghent sonu divessu, s'inche ifferchint in su sentidu, trapassant sos iscudos politicos e culturales e nos custringhent a bider s'indipendentzia non comente unu issolloriu ma comente una cosa possibile e pratica , de oje. Cando atzes acabadu de lu leghere, su libru, no atzes a poter fagher a mancu de bos ponner tantas dimannas e de bos misurare su sentidu.