日系中型SUV性價比之王Mitsubishi Outlander 2.4 S-AWC | 肥仔Law的鬼馬車評

為咗今次拍攝Mitsubishi Outlander 2.4 S-AWC，分別去咗最新嘅香園圍、就快消失嘅豐樂圍同埋一個唔講你會誤會係歐洲，其實係香港，一個好多七彩小屋嘅地方。 等我介紹返部車先，真係好多讀者叫我快D測試，期待睇車評嘅一部車。一來想知道由2.0公升改配用新2.4公升引擎嘅表現，又想知呢套S-AWC系統，係唔係真係同外國傳媒一樣講到咁強。 不過話時話，今次代理推新車，感覺真係好似「賣大包」咁。一部5+2七座位嘅SUV，豪華設備同主動安全設備都咁豐富，但係價錢只係廿幾萬。我都係唔再介紹落去喇，怕大家覺得廣告味濃。 總之大家買同級SUV前，一定要記住格吓設備、格吓性能，最重要格埋價錢呀，買貴咗、買齋咗，返唔到轉頭㗎！