"Риштон ҳокими дўконларимизни ноҳақ бузяпти" - BBCUZBEK.COM

Фарғона вилоят Риштон тумани деҳқон бозорида 21 дўкон огоҳлантиришсиз бузилаётгани айтилмоқда. Риштоннинг янги ҳокими Таваккал Раҳимов дўкон эгаларининг мулки учун ҳеч нарса бермаган. Тадбиркорлар ҳар бир дўконни ўртача 200 миллион сўмдан баҳоламоқда. Би-би-сига гапирган тадбиркорнинг айтишича, улар дўконлари бузилаётганидан 8 феврал куни хабардор бўлишган. "Эрталаб ишга келсак дўконларимиз бузилаётган экан. Бизга бузилиш ҳақида на қарор, на буйруқ кўрсатишди. Огоҳлантириш ҳам бергани йўқ. " Тадбиркорнинг айтишича, 6 феврал куни Риштонга ҳоким этиб тайинланган Таваккал Раҳимов дўконларнинг бузилиши вилоят ҳокими Шуҳрат Ғаниевнинг оғзаки буйруғи эканлигини айтган. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.