Суриядаги ўзбек ҳужумчининг оиласи ва муаллими билан суҳбат

Сентябрь ойида ижтимоий тармоқларда тарқалган видео кўпларни ларзага солди. Унда афтидан ўзини жанг майдонида портлатишга отланаётган ўзбек йигит йиғлаётгани, унинг атрофидагилар эса уни қўрқмасликка чақириб далда беришлари акс этади. Мутахассисларга кўра, бу видеони Суриянинг Идлиб вилоятидаги асосан шиалар яшовчи Фуа қишлоғига ҳужумни уюштирган Имом Буҳорий жангари гуруҳи олган ва тарқатган. Би-би-си видеонинг ҳаққонийлигини тасдиқлай олмайди. Аммо, Қирғизистон Миллий Хавфсизлик Хизматига кўра, бу Сурияда жиҳодга қўшилган қирғизистонлик ўзбек Бобур Исроиловдир. Би-би-си қирғиз хизматининг мухбири Ойбек Абдилдаев Сузоққа сафар қилиб, Бобурни катта қилган тоғаси ва унинг муаллими билан суҳбатлашди.