Ўзбек милициясини сўккан қўшиқчи лицензияси олинди

Ўзбек милиционерларини "порахўр", дея сўккани акс этган видеотасвир интернет ва қўл телефонларида тарқатилган ўзбек қўшиқчиси Абдулла Қурбонов 22 феврал куни лицензиядан мосуво қилинди. Хозир АҚШда сафарда бўлган Абдулла Қурбоновнинг лицензиядан маҳрум қилингани ҳақида "Ўзбекнаво" давлат эстрада бирлашмасининг расмий сайтида эълон қилинди. Расмий билдириш "Хонанда Қурбонов Абдулла Акбарович томонидан Ўзбекистон Республикаси Вазирлар Маҳкамасининг 2003 йил 11 ноябрдаги 498-сонли Қарори ҳамда Лицензия битимида назарда тутилган талаблар ва шартлар мунтазам равишда бузиб келинганлиги сабабли хонандага берилган АJ-2326-рақамли лицензиянинг амал қилиши "Фаолиятнинг айрим турларини лицензиялаш тўғрисида"ги Ўзбекистон Республикаси Қонунининг 22-24-моддалари ҳамда Ўзбекистон Республикаси Вазирлар Маҳкамасининг 2003 йил 11 ноябрдаги 498-сон Қарорининг 1-иловаси 35-бандига асосан 2013 йил 22 февралдан тугатилганлигини маълум қиламиз"¸ дейилади "Ўзбекнаво" 26 феврал куни тарқатган ҳужжатда.