'Ўзбекистонда ойлик 3000000 сўм бўлганида эди...'

Ўзбекистонда ўртача иш ҳақининг қанча экани расман маълум қилинган. Ўзбекистон Давлат статистика қўмитаси маълумотларига кўра, бу сумма бугунда 1 миллион сўм 346 сўмни ташкил қилади. Қўмитага кўра, ойлик иш ҳақининг бу ўртача миқдори жорий йилнинг январидан сентябригача бўлган даврни кўзда тутади. Бу каби тафсилотлар Ўзбекистон Давлат статистика қўмитаси вакиллари иштирокида 14 декабрь куни Халқаро Пресс-клубнинг Тошкентда бўлиб ўтган йиғини чоғида маълум бўлган. Расмий хабарларга кўра, эълон қилинган бу каби рақамлар Ўзбекистонда ўтган йилнинг худди шу даврига нисбатан ўртача иш ҳақининг 14.2 фоизга ошганига далолат қилади. Сўнгги янгиликка муносабат билдирган риштонлик фаол ва журналист Баҳодир Элибоевнинг Би-би-си Ўзбек Хизмати билан суҳбатида айтишича, "бунча миқдордаги ойликка яшашнинг имконсизлигини уларнинг ўзлари ҳам билишади". "Мисол учун, ўртача иш ҳақи оладиган бир давлат ишчисини оладиган бўлсак, ҳисоблагични олиб ташлаб, ойлик тўловига ўтган бўлса, 250 минг сўм газга тўлайди. 100 минг сўм атрофида "свет"га тўлайди. Ахлатга, сувга 20 минг сўм тўлайди. Бир қоп унни ўзингиз кўраяпсиз, баҳоси 100 минг сўмдан ошиқроқ бўлиб турибди. Кийим-кечакларнинг нархларини кўраяпсиз, нархи осмонда...Албатта, бу битта ўзига. Яна у пластик: Бу "подоход"дан кейин, яна обуна, деган нима бор, ундан кейинги юкланмалар яъни..."профсоюз" ва ҳоказо...Ушланмалардан қўлингизга тегадигани 1 миллион 900 минг сўм бўлиб қолади", - дейди бу суҳбатдошимиз. Унинг айтишича, "ҳозирда давлат ишида ишлаётганлар, айниқса, шифокорлар, ўқитувчилар, боғча тарбиячилари ростдан ҳам танг аҳволда қолишган". "Лекин нима қилишсин, қўлларидан бошқа бир иш келмайди", - дейди у. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.