Wunpawng Mungdan Shanglawt Dat Kasa ni hpe Labau Shang Hkap Tau Hkalum

2013 ning May 28 ya shani Myitkyina muklung hta galaw ai Myen asuya hte bawng bang hpawng hta du sa wa ai Wunpawng Mungdan Shang Lawt Asuya a dat kasa hpung ni hpe Myitkyina, Waimaw mare kaba hkan na wunpawng amyu sha ni yawng wuwu di di n gun mi alu hkap tau la sai. Ndai gaw anhte amyu sha ni a lawt lu lam shakut nga ai hkrum lam hta na labau shang mabyin langai rai wa na re. Ndai zawn hkap tau la ai lam gaw Wunpawng myu sha ni a myit hkrum zin lum lam hpe Myen asuya chye na hkra madun dat ai lam re ai sha n ga , KIO gaw anhte Wunpawng myu sha ni ra sharawng ai lawt lu lam a matu Wunpawng myu sha ni shatsam dat ai uhpung re ai lam hpe mung mungkan ting hpe htawng madun dat ai lam rai sai. Anhte a n gun atsam hpe ndai hku madun dat ai hte sha n ngu shi nga ga ai. Lai wa sai labau hta byin lai mat wa ai zawn anhte amyu sha shada nchye na hkat ai lam ni byin pru wa hkra Myen asuya gaw bai galaw sa wa na lahkam ni hpe galoi mung maja nga ga. Anhte amyu sha yawng du daw sai hkaw let shaning law law ap nawng let shakut nga ai gaw lawt lu lam rai nga ai. Dai majaw anhte a pan dung hte du hkra amyu sha ni yawng grau shakut let matut nna anhte a myit hkrum ai lam hpe nhten za hkra matut shakut sa mat wa ga law.