粤劇 琵琶行 黎駿聲 曾慧 cantonese opera

名曲欣賞 琵琶行 潘一帆撰曲 生: (長句二流) 潯陽月， 照離人， 楓葉荻花秋聲趁， 我呢個主人下馬， 今晚夜送良朋 (合)， 客船中， 頻勸飲， 身似浮萍添別恨， 愧無弦管送君行， 虧我耳畔傳聞， 忽聽得琵琶響震 (上)； 旦: (白) 有嘢唱呀！ (梨花慘淡經風雨) 泊河濱， 慢撥幽怨琵琶， 音韻白雪陽春， 我願藉風飄引， 吹送我歌喉傳遠近， 知音得邂逅， 又嘆無緣分， 遭郎拋棄， 今再賣唱療貧困， 更要撫育我孩兒， 苦命娘親肩責任 (白) 有嘢唱呀！有嘢唱呀！ 生: (白) 邊度傳來嘅聲呢，咁幽怨嘅，嚇， (士工慢板下句) 風送仙樂飄飄， 誰奏出淒涼曲調， 移船相近邀相見， 傳令召喚賣歌人。 (白) 中軍，過來，快傳本官口諭，喚歌者過船度曲，我自有多多厚賞咁話， 中軍: (白) 遵命！喂，賣歌人，我哋阿白大人呀，叫你唱嘢喎，快啲過船啦！ 旦: (白) 奴奴從命， (接唱) 待我忙整衣裝拜席前， 手抱琵琶半遮面， 轉軸撥弦兩三聲， 請問欲奏何曲韻； 生: (反線錦城春) 歌娘， 歌娘， 彈共唱聲與藝確天生， 旦: (接唱) 我曲調未彈便有情， 十三歲琵琶學既成彈妙韻， 清歌一闋你可願聞， 生: (接唱) 唉卿卿真命薄實有感， 賣歌作活殊遺憾， 嬌低唱， 低聲問， 旦: (接唱) 我傷身世， 君休問， 我終身錯托、錯托非人， 生: (接唱二段) 真是聞者傷心， 旦: (接唱) 我言之傷心， 生: (接唱) 卿你杏腮有紅呀紅淚印， 等我叩衷隱， 旦: (接唱) 我訴衷隱， 生: (接唱) 請卿你快說、快說我知聞 (白) 你講啦， 旦: (詩白) 唉，未訴衷情先咽哽，琵琶奏出我嘅斷腸音， 生: (白) 你咪難過，慢慢講， 旦: (春江花月夜) 話舊事半生嘆浮沉， 傷心細訴我心底恨， 為貧困我童齡賣了身， 朝唱歌晚學琴， 養在那歌坊鴇母當錢樹， 仰慕我聲色拜倒有萬人， 得知音代奴贖了身， 花開結子鴛侶分 生: (採花詞) 燕爾新婚， 你為何便要相分， 使我懷疑莫禁， 請你答我疑問， 旦: (接唱) 結同心痛心， 怨郎君愛金， 新婚只半月， 棄下妾身， 我為佢懷胎種孽深， 佢販茶別家已兩年近， 夫君一去永離林 生: (反線中板下句) 聲似泣血啼鵑， 我聽琵琶輕嘆息， 堪憐同是淪落人。 低眉信手續續彈， 辛酸垂淚斷腸歌， 勞燕分飛， 鑄就了離鸞恨； 嗟我客歲辭京， 被貶江州為司馬， 相逢又何幸訴平生。 (轉滾花) 我嘆憎命文章，卿似薄命桃紅，彼此都是同病相憐之感； 旦: (浣紗溪) 淒然泣別席前人， 我欲語無言碎芳心， 歌罷面有珠淚印， 何堪復奏傷心韻， 叩首別了君 (白) 告辭， 生: (白) 慢，慢，慢，咪行住， (長句滾花下句) 嬌你留步莫辭行， 今夜相逢誠有幸， 聽罷了淒涼添百感， 我問句卿何命薄寄風塵， 昔日年少五陵爭擲錦， 嘆今日你秋娘老去， 你更何必重賣唱在江濱。 旦: (白) 我都係誃啦大人， 生: (續唱) 呢我是你嘅知音客， 自當為卿怜， 我願寫一曲新詞為卿贈； 旦: (白) 多謝！ (長句二王下句) 今宵何幸會知音， 待我步返席前重斂衽， 生: (插白) 唔使客氣， 旦: (續唱) 憶自歌衫重著， 我原是下里巴人， 名士風流以歌詞贈， 幸垂青眼， 偷怨花落逢君。 你是玉堂金馬一紅員， 我似樹倒巢傾飄零燕， 難得你降貴紓尊， 謝君你一點同情垂憫； 生: (禿唱乙反南音) 自愧護花無力，未許借春蔭。 嗟我失意宦途，你飽受離鸞恨； 不禁相憐同病，同是難中人。 我憐你身世咁孤零，贈你一曲琵琶行； 他日自有知音人仔，自會解卿心。 好待你嘅幽怨歌聲，唱出對人間恨； (直轉正線二王下句) 可憐你新婚才得半月， 注定你要作相分。 憐卿你賣唱養孤兒， 應怨你夫郎佢薄倖； 旦: (雙星恨) 嗟佢誤己更誤人， 負了妻兒更負了心， 我滿襟染淚痕， 他棄妻更棄我孩兒， 郎何太忍心， 生: (接唱) 虧我聽罷、聽罷、聽罷你訴不幸， 唉你夫君一經遠引， 他就去了、就去了， 好應跟尋， 可有雁扎家書慰問玉人， 旦: (接唱) 佢斷了音書我怨良人， 都未有消息哪得詢問， 生: (接唱) 他拋妻棄子薄情實太狠， 我同情為你傷心 旦: (反線中板) 錯種並頭花， 嫁作商人婦， 悔將浪蝶認知音。 商人重利輕別離， 佢不只家有糟糠， 重到處去尋花將柳問； 半月後燕侶分飛， 郎如黃鶴去， 可憐我留得孽種纏身。 (轉滾花) 我育兒賣唱著歌衫， 盼君你妙筆生花， 寫盡我心靈嘅缺憾； 生: (白) 咁也唔怕 (春風得意) 彩筆撰得斷腸吟， 內心憐复憫， 寫出你際遇太酸辛， 譜入弦歌飛不禁， 琵琶奏出極動人魂， 旦: (接唱) 忙叩謝大人， 生: (接唱) 嗱你毋庸叩， 休稱謝， 我一生對正義最關心， 旦: (接唱) 我被棄心悲憤， 佢狠心棄親生， 我恨他良心全盡泯， 生: (接唱) 佢係忘責任， 不念情與分， 咁你為兒賣唱堪悲生活困， 旦: (接唱) 養育兒何懼貧， 他朝養成我愛子， 妾亦無怨恨， 生: (接唱) 真欽敬， 我贈款以療貧， 你慈祥無限送你百兩銀， 旦: (白) 我唔愛啦， (接唱) 感君恩， 拜領鴻文， 不敢收領你百兩白銀， 奴奴原是慣安貧 生: (滾花) 你的確正直自持令吾敬重， 等我贈卿一曲琵琶行。 旦: (秋江別中板) 感知音， 我刻骨銘心， 嗟分散， 我未得報你恩， 生: (白) 唔使， (接唱) 惟盼他朝再見玉人， 旦: (接唱) 我臨去依依叩別大人 生: (白) 請呀！