Zabit Samedov Catalin Morosanu son doyus

Zabit Səmədov dünya çempionu oldu Zabit Səmədov dünya çempionu titulu uğrunda döyüşün ilk raundunda rəqibini nakaut edərək çempion oldu. Azərbaycanlı K-1 döyüşçüsü Zabit Səmədov Çeçenistanın ilk prezidenti Əhməd-Hacı Kadırovun xatirəsinə həsr olunmuş peşəkar kikboksinq turnirində iştirak edib. Qroznıda keçirilən döyüşdə Zabit Səmədov WBC Muay Thai versiyası üzrə dünya çempionu titulu uğrunda rumıniyalı döyüşçü Katalin Moroşanu ilə qarşılaşıb. Döyüş K.Moroşanunun hücumları ilə başlasa da, Zabit gözlənilmədən rəqibinin sinəsinə güclü diz zərbəsi endirərək onu nakauta salıb. Bununla da, azərbaycanlı K-1 döyüşçüsü dünya çempionu titulunu qazanıb. Zabıt Səmədovun 120-yə yaxın azarkeşi Bakıdan iki avtobusla Qroznıya yollanıb və zalda idmançımıza dəstək olub.