周嘉儀戀上政協仔 駱文捷老公係總督察

蔡雪瑩上年同全國政協朱銘泉兒子、上市公司太子爺朱威霖（William）拉埋天窗，唔使兩年就宣佈又陀BB，30歲咋，就洋溢一陣溫馨幸福，普通人可能會羨慕啲，不過佢以前嘅同行，好多位都拍得住蔡雪瑩。 要數近年個個都識嘅女主播，一定係周嘉儀喇，佢喺離職之後都有喺facebook同大家講早晨。至於感情生活，上年佢就被發現同經民聯副主席、全國政協委員林健鋒之子林凱章拍拖，兩人被發現喺台灣蹺到實行街自拍。 林燕玲上年同金融才俊葉浩文嘅戀情曝光，兩人喺上個月結婚。現時已離開主枱嘅林燕玲喺林建岳嘅麗新集團傳訊部副總裁，同男友門當戶對，因為於於復星資本任職執行總經理，都係財經界嘅朋友。 天氣女郎黃婉曼都嫁到入豪門，同3年前同會計師老公馮柏基結婚，今年頭宣佈有喜，被影到搬入2000呎新居，俾一個孩子最好嘅家，而兩人嘅結晶品Kyra喺7月出世。除咗住嘅地方顯得出富貴，老公係馬主，黃婉曼都有隻團體馬「跳出香港」，不過今季參賽暫時3場，暫時未有一勝。 駱文捷係位靚女，不過大家識佢係因為將墨西哥城市瓜達拉哈拉講成「哥凸啦X拉」，今年4月佢就同總督察男友拉埋天窗，身份地位唔俾幾位前同事低，婚後駱文捷就離咗TVB，轉職做市場推廣及公關。