Նոր քվեակարգով «կարուսելի» կիրառումը կկանխվի. Տիգրան Մուկուչյանը` 2021-ի ընտրությունների մասին

У вашего броузера проблема в совместимости с HTML5

ՀՀ կենտրոնական ընտրական հանձնաժողովի նախագահ Տիգրան Մուկուչյանը Sputnik Արմենիայի եթերում անդրադարձել է հունիսի 20-ին նախանշված արտահերթ ընտրությունների կազմակերպչական աշխատանքներին։
Ընտրական օրենսգրքի փոփոխությունների մի հատվածն արդեն իսկ մտել է ուժի մեջ։ ԿԸՀ նախագահ Տիգրան Մուկուչյանի խոսքով` թեև դրանք ընտրողի տեսանկյունից դյուրացրել են ընտրական գործընթացը, բայց ընտրությունների կազմակերպման տեսանկյունից ԿԸՀ–ի համար տեղին չի լինի օգտագործել «հեշտացնող» կամ «բարդացնող» եզրույթները։
«Որովհետև երկու պարագայում էլ եթե տեղի է ունենում որևէ փոփոխություն, ապա հանձնաժողովը պետք է լրացուցիչ ջանքեր գործադրի տեղեկատվական նոր արշավների, սոցիալական հոլովակների միջոցով մարդկանց բացատրելու, լրացուցիչ նախապատրաստելու, տեղի ունեցած փոփոխությունների մասին իրազեկելու համար»,– բացատրում է ԿԸՀ նախագահը։