අතුල සිනිදු සුදු වැල්ලේ / Athula Sinidu Sudu Welle Amaradewa / Nandadasa Kodagoda නන්දදාස කෝදාගොඩ

අතුල සිනිඳු සුදු වැල්ලේ පතල සිහිල් සෙවණැල්ලේ // ලකළ කොමළ ටිකිරි ලියක් රබන් වයන්නා // ලෝල සිතින් දුලා දෑස කොනින් බලා දැත ගිගිරි සලා සලා රබන් වයන්නා ළකල කොමළ ටිකිරි ලියක් රබන් වයන්නා පවන් පහර හිසට වැදී තෙදින් වරල පෙරට අදී නුවන් බඳන ඔමරි ලියක් රබන් වයන්නා තාල මිහිරි නඟා නඟා රබන් වයන්නා සවන පිනන මන බන්දන සිහින ලොවක රස කැන්දන මියුරු හඬින් සුහුරු ලියක් රබන් වයන්නා ගීත රාව නඟා නඟා රබන් වයන්නා අතුල සිනිඳු සුදු සුදු වැල්ලේ පතල සිහිල් සෙවණැල්ලේ ළකල කොමළ ටිකිරි ලියක් රබන් වයන්නා ළකල කොමළ ටිකිරි ලියක් රබන් වයන්නා ලෝල සිතින් දුලා දෑස කොනින් බලා දැත ගිගිරි සලා සලා රබන් වයන්නා ළකල කොමළ ටිකිරි ලියක් රබන් වයන්නා ළකල කොමළ ටිකිරි ලියක් රබන් වයන්නා ළකල කොමළ ටිකිරි ලියක් රබන් වයන්නා ළකල කොමළ ටිකිරි ලියක් රබන් වයන්නා පද රචනය : නන්දදාස කෝදාගොඩ තනුව සංගීතය හා : ඩබ්. ඩී. අමරදේව ගායනය: අමරදේව, අතුල සෝමසිරි සහ පිරිස මේ ගීතය මම පොඩි කාලයේ මුලින්ම ඔළුවට ආපු සිංදුව. 1975-76 වගේ කාලෙක අපේ අම්මා මාතර සුජාතා බාලිකාවේ විදුහල්පතිනිය හැටියට වැඩ කරන කාලේ එක අප්‍රේල් මාසෙක සිංහල අවුරුදු උත්සවයක් සංවිධානය කළා. ඒකේ ප්‍රධාන අමුත්තා හැටියට ආවේ මාතර දිස්ත්‍රික්කයේ පාර්ලිමේන්තු මන්ත්‍රී කොමියුනිස්ට් පක්ෂයේ සාමාජික, අධ්‍යාපන නියෝජ්‍ය ඇමති බී. වයි. තුඩාවේ (B. Y. Tudawe / අධ්‍යාපන ඇමති ආචාර්ය බදි යුදින් මොහොමඩ් Dr Badi-udin-Mahmud). මේ අවුරුදු උත්සවේ ඒ කාලේ ලොකු පංතිවල ඉගෙන ගත්ත යුවතියන් පොල් ඇති විවීම, පොල් ගෑම ආදී විවිධ තරඟ කරන අතරේ "අතුළ සුමුදු සුදු වැල්ලේ" ගීතය පටියකින් ධාවනය වුනා. මේ වෙලාවේ තුඩාවේ ගේ පුරෝගාමීත්වයෙන් අපේ තාත්තා, අම්මා ඇතුළු තවත් ගුරුවර-ගුරුවරියන් සහ ආරාධිත අමුත්තෝ මයික්‍රෆෝනයට ගිහිල්ලා ගීතය සජීවීව ගායනා කරන්න පටන් ගත්තා. ඒ වෙනකොට අවුරුදු 4-5 ක වයසේ හිටපු මට ගීතයේ අරුත හෝ අනික් දේවල් ගැන අවභෝධයක් තිබ්බේ නැතත් මේ වැඩේ මැජික් එකක් වගේ හිතේ රැඳුනා. තුඩාවේ ගීත ගයන හෝ අවුරුදු උත්සවේ වෙනත් විශේෂාංග ගැන මගේ හිතේ ඇඳුනු පිංතූර චායාරූප විදියට නැතිවුනත්, තුඩාවේ ඇමති තුමා වේදිකාවේ මයික් එක ළඟ හිටන් ඉන්න චායාරූපයක් නම් තියෙනවා.