Блогер Отабек Нуритдинов ҳокимлик томонидан гаровда ушлаб турилганмиди- Ўзбекистон

Блогер Отабек Нуритдинов ҳокимлик томонидан гаровда ушлаб турилганмиди? Асака туман ҳокимлиги ва ИИБ 3 кун ертўлада сақланган блогер Отабек Нуритдиновнинг қолган жазо кунларини қамоқхонада эмас, балки шинам квартирада ўтказиши учун ва яқинлари билан кўришишга рухсат бериш учун онасидан ижтимоий тармоқлар орқали чиқиш қилишни талаб қилган. ЎзЛиДеП масъулларидан бири эса блогернинг хавфсизлиги учун онасидан журналистларга гапирмаслик кераклигини сўраган. Қамоқда қолаётган блогерга айбини тан олиш бўйича босимлар бўлаётгани айтилмоқда. Би-би-сига келиб тушган аудио файлларда бир гуруҳ шахсларнинг мансабидан фойдаланиб блогернинг онасига босим ўтказаётганига гувоҳ бўлиш мумкин.