得閒打邊~旺角德家任食安格斯牛頸脊

周未就梗要約腳大吃大渴啦，今次選中嘅係位於旺角嘅日式火爐店！向旺角做火鍋唔走放題真係無得做，哩間都唔列外，價錢分包海鮮拼盤同冇包兩種，冇包收$249包埋加多$50，周未或紅日再加$10。埋單每位$338，無額外附加雜費???? 响哩120分鐘裡頭俾咗$298嘅你，可以任限任食安格斯牛頸脊、特上美國牛、豚肉、雞肉、廣島蠔、仲有buffet檯上所有火鍋料同蔬菜、仲有沙律吧嘅凍蝦、凍青口、同各款日式前菜等等…等等… 醬料都算足，鍾意食辣嘅朋友仔可以試下老干媽醬。 飲品選擇都ok啦，啤酒、Sake、汽水、果汁，就連生啤都有???? 因為叫做日式火鍋，所以湯底選擇都係豬骨湯、壽喜燒、沙爹之類。願意加錢的話，仲有3款特色湯式可以揀！由於我地唔願意所以冇意見~ 刺身拼盤有五款：三文魚、油甘魚、帶子、赤貝、魷魚。刺身都幾抵讚，色澤鮮明油潤，一睇就知好新鮮！大小厚薄適中，都算係真材實料！可惜唔俾encore~ 海鮮拼盤都係五款：大元貝、蟶子皇、鮑魚、海中蝦、沙白。中檔貨色，要爽口有爽口要彈形有彈牙，合格！ 廣島蠔雖然係任食，不過只係急凍貨，太細隻，一煮就縮到變蠔豉！唔掂~ 肉類方面，唔使你叫佢地都會自動按人頭送上，既然係任食就梗係食最靚嘅安格斯牛頸脊啦，其他肉真係唔想食，不過拎左嚟就食埋廢事嘥嘢！安格斯牛頸脊嫩腍牛味濃，每人食左兩盒！已經好飽???? 再飽都要食埋甜品先，牛奶公司雪糕任食，實在太飽quota只能留俾克根大師一位? 飯後感：唔可以話好抵食，又唔係唔抵食，視乎你打邊爐係想食肥牛定係海鮮囉！如果咩都想食下，哩間都係一個唔錯嘅選擇！想食靚海鮮的話，可能幫襯番長沙灣個幾間粥底火鍋會啱你啲！ 德家日式火鍋料理 ? 旺角彌敦道593-601號創興廣場4樓 ☎️ 53229788 (Whatsapp) ⏰ 17:30~01:00 旅遊網誌：http://travelermel.blogspot.com/ Instagram：https://www.instagram.com/followme_lody/ #旺角美食 #mongkokfood #hkblogger #hongkongfoofie #德家日式火鍋 #打邊爐 #火鍋放題 #得閒打邊爐 #美露迪