Олмалиқлик она: Kасалхонага ўз оëғи билан борган 16 яшар қизимнинг ўлигини беришди!

Тошкент вилоят, Олмалиқ шаҳар касалхонасига 21 январь кечқурун тиббий ëрдам сўраб келган 16 яшар Эъзоза Йўлдошева врачлар назоратига олинганидан сўнг комага тушиб¸ вафот этди. Олмалиқ касалхонаси реанимация бўлими бошлиғи Озодлик билан суҳбатда¸ 16 яшар қизнинг ўлими учун масъулиятни марҳуманинг ўзи ва оиласига қўйишга уринди.​ Олмалиқлик Дилдора Йўлдошева¸ биргина қизи Эъзозанинг врачлар назоратига олингандан кейин комага тушиб¸ қайта уйғонмагани учун айбни “саводсиз¸ порахўр ва касалхонага яқинлаштириш мумкин бўлмаган” врачларга қўйди: - Боламга ўз вақтида мутахассис чақирмади, аҳволи яхши¸ деб даволовчи врач ҳам¸ реанимация бошлиғи ҳам алдади мени. 22 январда Тошкентга 16 -горбольницага обкетай десам¸ тонггача яхши бўлади аҳволи деб алдади. Онанинг айтишича¸ янги йилдан 10 кунча олдин¸ Эъзозанинг 1-тур қандли диабетга чалингани аниқланган ва унга инсулин терапияси белгиланган.